Dy të rinj nga Durrësi dhe një nga Kavaja janë arrestuar pasi në makinën e tyre u gjetën me 7 emigrantë të paligjshëm. Të arrestuarit janë Edison Muhametaj 29 vjeç, banues në Durrës, Erald Lalollari, 28 vjeç, banues në Shkozet, Durrës dhe Rexhep Habili, 24 vjeç, banues në Kavajë. Policia e Korçës informon se kishin informacioneve të siguruara në rrugë policore se do të bëhej transportonimi me dy mjete në drejtim të Tiranës të emigrantëve të paligjshëm.Policia organizoi punën dhe bëri të mundur lokalizimin e mjetit tip “ML” me drejtues shtetasin Erald Lalollari dhe mjetit tip “Benz” me të cilin po udhëtonin dy shtetasit e tjerë, të cilëve punonjësit e Policisë iu kanë bërë me shenjë të ndalonin, por këta shtetas nuk i janë bindur urdhrit të tyre për të ndaluar dhe janë larguar me shpejtësi. “Policia është vënë në ndjekje të dy mjeteve dhe bëri të mundur ndalimin e tyre dhe prangosjen e 3 shtetasve. Gjatë kontrollit, në mjetin tip “ML” u gjetën 7 emigrantë të paligjshëm, të cilëve, këta shtetas, në bashkëpunim mes tyre, kundrejt fitimit, iu kishin premtuar kalimin drejt vendeve të BE-së. “
Gjithashtu, shtetasi Erald Lalollari ka kundërshtuar me dhunë punonjësit e Policisë gjatë shoqërimit të tij për në ambientet e Komisariatit. Materialet në ngarkim të tyre i kaluan Prokurorisë të Rrethit Gjyqësor Korçë për veprat penale “Ndihma për kalim të paligjshëm të kufijve”, kryer në bashkëpunim, “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”.