fbpx
Lajme

Kromi u jep bukë, kromi u merr jetë/ Familjes Rushiti miniera i mori 3 anëtarë, gruaja e fëmijët jetimë të zhytur në borxhe

Tre persona nga e njëjta familje kanë gjetur vdekjen në minierën e kromit, ku punonin për të siguruar bukën e përditshme. I fundit që mbeti viktimë në kërkim të kromit është Rexhep Rushiti, i cili la pas 3 jetimë dhe gruan e papunë.

Kromi që u ka dhënë bukë, i ka marrë tre jetë familjes Rushiti në Bulqizë. Rexhepi 33-vjeçar që humbi jetën në galeritë e Selishtës bashkë me Fatos Çeskun e inxhinierin Ismail Hoxha  ishte i fundit, ndërsa vite më parë, edhe nëna e i vëllai kanë humbur jetën.

“Tre pjesëtarë të kësaj familje kanë vdekur prej kromit, vjehrra, kunati dhe burri.” 33-vjecari la tre fëmijë jetimë dhe një barrë të madhe me borxhe gruas së papunë. “Jemi borxh nëpër dyqane, kam gati 5 milion lekë borxh.” Ky është portofoli i të riut. Aty u gjet vetëm libreza e energjisë elektrike, prej qershorit e papaguar. “Babai i tre fëmijëve, portofoli i tij bosh. Libreza e dritave prej qershorit e papaguar.” Edhe të afërmit kërkojnë ndihmë që fëmijët jetimë të mos ndjejnë urinë e bukës e barrën e hallit që u ra. “Nëna e vet nuk ka ushqim për ta se është e papunë.” Ndërkohë policia e Dibrës mësohet se ka dërguar në prokurori pa autor dosjen për tragjedinë në minierën e Selishtës.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button