Sipas një urdhërese të lëshuar së fundmi, Komuna e Prishtinës synon të ndaloi përdorimin e mjeteve piroteknike në vende të hapura publike deri më 3 janar 2021.Përmes një postimi në Facebook, Kreu i Prishtinës Shpend Ahmeti, njofton se kushdo që vepron kundër kësaj urdhërese do të gjobitet në shumën prej 100 eurosh.

Postimi i plotë i Shpend Ahmetit: Ndalohet përdorimi i mjeteve piroteknike. Kryetari Shpend Ahmeti nxori urdhëresën për ndalimin e përdorimit të mjeteve piroteknike në vende të hapura publike, gjegjësisht në sheshe, rrugë e tregje. Kushdo që vepron kundër kësaj urdhërese, gjobitet në shumën prej 100 eurosh. Për zbatimin e Urdhëresës, e cila do të jetë në fuqi deri më 3 janar 2021, do të kujdeset Drejtoria e Inspekcionit.