fbpx
Lajme

Kujdes! Çfarë ju ndodh nëse parkon makinën në këto rrugë të kryeqytetit (VIDEO)

Policia e Shtetit ka njoftuar se po vijon puna për ndëshkimin e mjeteve që parkohen në rrugët urbane të kryeqytetit të cilat kanë ngarkesën më të madhe të trafikut. Në njoftim thuhet se pushimet në rresht të dytë apo në vendet e rezervuara shkaktojnë probleme serioze në lëvizjen e mjeteve dhe bëhen rrezik për aksidente rrugore.

“Vijon puna e rrugorëve të kryeqytetit, për evidentimin dhe ndëshkimin e mjeteve të pushuara apo qëndruara në kundërshtim me dispozitat e përcaktuara në Kodin Rrugor shqiptar. Në fokusin e shërbimeve të Policisë Rrugore janë disa nga rrugët kryesore urbane të kryeqytetit, të cilat kanë edhe ngarkesën më të madhe në trafik dhe për rrjedhojë, pushimet në rresht të dytë apo në vendet e rezervuara shkaktojnë probleme serioze në lëvizjen e mjeteve dhe bëhen rrezik për aksidente rrugore.

Kontrolli dhe patrullimi policor do vijojë çdo ditë, edhe në rrugë të tjera të kryeqytetit, me qëllim disiplinimin dhe minimizimin e shkeljeve në raport me normat e sjelljes”, njofton policia e shtetit./mv.abcnews.al

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button