E gjithë bota e ka përqëndruar vëmendjen te lufta ndaj koronavirusit. Kjo luftë tashmë po bëhet në disa fronte, pasi virusi i rrezikshëm është konfirmuar se ka prekur mbi 80 mijë njerëz në të gjithë botën.

Shkencëtarët po punojnë çdo ditë për të gjetur vkasninën kundër koronavirusit. sipas një artikulli të publikuar nga CNN, gjetja e vaksinës do të kërkojë një periudhë kohore nga 12 deri në 18 muaj.

“Ne nuk do të kemi vaksinë në 12 deri në 18 muajt e ardhshëm”, u shpreh senatori amerikan Roy Blunt.

Megjithatë, një firmë bioteknike amerikane ka dërguar një vaksinë eksperimentale të koronavirusit tek studiuesit e qeverisë amerikane vetëm gjashtë javë pasi filloi të punonte për të. Testimet fillestare të vaksinë mund të fillojnë në prill, por procesi i miratimit pritet të zgjasë një vit.