Lajme

Ky është i dyshuari që rrahu një grua në supermarketin e Prishtinës

Gazeta Sinjali pak më parë publikoi ekskluzivisht një video, ku shihet një burrë që rrah brutalisht një grua në një pikë të supermarketit “Interex”, në Prishtinë.

Sinjali mëson se i dyshuari për këtë rast, që goditi pamëshirshëm një grua, është Feim Berisha. Ai jeton në Prishtinë bashkë me gruan dhe dy fëmijët e tij.

Si ndodhi rasti?

Një grua që kishte dalë për të kryer pazarin në supermarketin “Interex”, në Lagjen e Spitalit, përfundoi në spital, pasi që Feim Berisha kishte vendosur të shfrynte nervozizmin e tij tek ajo, shkruan Gazeta Sinjali. Ndonëse ajo ishte e koncentruar duke shikuar artikujt dhe duke kryer blerje, Berisha i shoqëruar nga gruaja dhe djemtë e tij të mitur, u nervozua se pse karroca e saj ia zuri rrugën dhe filloi ta rrahë brutalisht.

Në një video të siguruar nga Gazeta Sinjali shihet Feimi i cili fillimisht debaton me gruan dhe megjithëse ajo ia liron rrugën, ai fillon ta godasë. Në sytë e gruas dhe fëmijëve ai e godet pamëshirshëm atë disa herë me karrocë, e më pas fillon ta godasë edhe me grushte.

Ani pse, gruaja e të dyshuarit arrin ta largojë njëherë, ai kthehet sërish dhe vazhdon ta godasë me grushte të panjohurën, derisa aty shkon edhe një konsumator tjetër për t’i ndarë.

Ky rast është raportuar edhe nga Policia e Kosovës në raportin 24-orësh. Policia bën të ditur se i dyshuari është arrestuar dhe ndaj tij është iniciuar rasti “Lëndim i lehtë trupor”.I njëjti pas arrestimit është dërguar në mbajtje.

Feim Berisha, i dyshuari

Artikuj të ngjashëm

Leave a Reply

Your email address will not be published. Required fields are marked *

Lexo edhe:

Close
Back to top button
Close
%d bloggers like this: