Në Britaninë e Madhe është shfaqur një variant koronavirusit, që studiuesit thonë se është i ri.  AY.4.2, i quajtur ndryshe edhe “Delta Plus”, është mutacioni më i ri koronavirusit. Sipas të dhënave zyrtare në Mbretërinë e Bashkuar, 6% e rasteve të Covid-19 që janë renditur gjenetikisht, janë të një lloji të ri “Delta Plus”.

Testet janë duke u zhvilluar për të kuptuar se sa kërcënim mund të paraqesë ky variant, por nga studimi i deritanishëm ende nuk konsiderohet si shqetësues. Ka mijëra lloje të ndryshme – ose variante – të Covid që qarkullojnë në të gjithë botën. Viruset pësojnë mutacion gjatë gjithë kohës.

“Delta” origjinale u klasifikua si një variant shqetësues që nga fillimi i vitit 2021 pasi kapërceu variantin “Alpha” për t’u bërë lloji mbizotërues i Covid-19 në qarkullim.

Por në korrik 2021 ekspertët identifikuan AY.4.2. ose ndryshe “Delta Plus”. Kjo degë ose nën-linjë e Delta është rritur ngadalë që atëherë. Ai përfshin disa mutacione të reja që ndikojnë në proteinën “spike”, të cilën virusi e përdor për të depërtuar në qelizat tona.

Shkencëtarët po kontrollojnë vazhdimisht për ndryshimet e reja gjenetike që po pëson Covid-19. Disa variante të reja janë shqetësuese, por shumë janë të parëndësishme. Puna e vështirë është zbulimi, ndjekja dhe menaxhimi i atyre që mund të kenë rëndësi.