Një sasi tritoli ka shpëthyer pranë një banese në lagjen “10 Korriku”  në qytetin e Vlorës, rreth orëve të para të mëngjesit të sotëm. Si pasojë e shpërthimit ka vetëm dëme të vogla materiale, dhe fatmirësisht nuk ka të lënduar në njerëz. Policia sqaron se është në kërkim të autorit, dhe pritet zbardhja e plotë të rrethanave të ngjarjes.

Njoftimi i Policisë: Më datë 30.10.2020, rreth orës 03:16, në lagjen  “10 Korriku:  Vlorë, në pjesën e jashtme të banesës së shtetasit  Tahsim Xheladin Banushaj , 69 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.