Për herë të parë që nga krijimi i Drejtorisë së Përgjithshme të Shërbimeve të Transportit Rrugor (1999) është gati manuali zyrtar i teorisë papagesë për lejen e drejtimit të mjeteve.
DPSHTRR bën të ditur se pas 4 muaj punë, grupi i specialistëve dorëzoi materialin përfundimtar të manualit të ri mësimor për përgatitjen në teori për lejedrejtimin e kategorive A1, A2, A, B1, B, bazuar në parimet e Kodit Rrugor dhe akteve zbatuese në fuqi. Sipas DPSHTRR, manulai i ri trajton 25 tematika, përfshirë tërë risitë e në përputhje me direktivat Komisionit Europian 2020.
“Direkt pas miratimit në Ministrinë e Infrastrukturës dhe Energjisë po vijon faqosja e dizenjimi për të vijuar me publikimin online dhe botimin/shtyp për shpërndarje për gjithë sektorin dhe aplikantët”, bën të ditur DPSHTRR. Kjo sipas saj, i jep fund epokës kur drejtorat e patentave u shisnin me pahir kursantëve e autoshkollave “veprat” e tyre. Po ashtu i jep fund klientelizmit me “blini librat e mia”. “Librat mësimore dhe manualet profesionale të testimit çertifikohen nga shteti dhe janë informacion i hapur për publikun, në dispozicion të çdo nxënësi”, theksoi DPSHTRR./a.gjonaj/atsh