Dy automjete janë përplasur me njëri tjetrin mesditën e sotme në vendin e quajtur “Kryqëzimi i Gjadrit”, në Lezhë. Njëri prej tyre është përfshirë nga flakët.
Fatmirësisht nuk ka persona të lënduar nga kjo ngjarje ndërkohë shërbimet e policisë dhe forcat zjarrfikëse ndodhen në vendin e ngjarjes.
Nuk dihen ende shkaqet e përplasjes dhe as shkaku i rënies së zjarrit në njërin prej automjeteve të përfshira në aksident.
Njoftimi i plotë i policisë: Lezhë/Informacion paraprak , Rreth orës 12:45, në aksin rrugor Lezhë-Shkodër, në vendin e quajtur “Kryqëzimi i Gjadrit” mjeti tip “Ford” me drejtues shtetasin A.S. është përplasur me mjetin tip”Fiat” me drejtuese shtetasen A.Z., ku si pasojë e përplasjes ka marrë flakë mjeti tip “Ford”.
Nuk ka njerëz të d ëmtuar, vetem dëme materiale. Sherbimet e Policisë dhe zjarrfikëses ndodhen në vendngjarje. Grupi h etimor po punon për sqarimin e plotë të shkakut dhe rrethanave të ngjarjes.