Një 31-vjeçare nga Librazhdi prej disa ditësh është larguar nga banesa e saj. Mësohet se një ditë më parë, në stacionin e Policisë së Librazhdit është paraqitur vëllai i saj 30-vjeçar, duke kërkuar nga policia që t’i gjenin motrën.
“Në Komisariatin e Policisë Librazhd është paraqitur dhe ka bërë kallëzim shtetasi E. Z., 30 vjeç, banues në Librazhd, i cili ka deklaruar se i është larguar nga banesa motra e tij, shtetasja M. Z., 31 vjeçe. Po punohet për gjetjen e saj”, njofton policia.