fbpx
Lajme

Lleshaj përplaset me Murrizin në Kuvend: Jam nipi i Skëndërbeut, mos ma trash zërin mua

Ministri i Brendshëm Sandër Lleshaj është përplasur me deputetin e opozitës Myslim Murrizi gjatë seancës plenare në Kuvend. Lleshaj i kujtoi Murrizit kohën kur ishte efektiv policie duke i thënë se ka mbetur ende polic.

“Dua t’iu them se unë krahasohem vetëm me veten time dhe nuk e keni atë tagës. Policia nuk njeh ndonjë hierarki përballë ligjit. Në qoftë se deputetët shkelin ligjin. Në qoftë se kërkon të bësh politikë dhe të fitosh pikë me policinë harroje që mund t’i fitosh. Nuk ke shans të fitosh.

Nuk dua të jem i ngjashëm me ty. Polic ke qenë dhe polic ke mbetur. Mos mendo se mund të fitosh përballë policisë. Je polic, ke mbetur polic dhe ke dështuar në polici. Zbatoje ligjin. Rri mor ti. Mos u përpiq të trashësh zërin se e ke të pamundur të trashësh zërin me mua. Ti nuk e di se nga jam unë more”, tha Lleshaj.

Murrizi: Pse nipi i Skëndërbeut je ti? Lleshaj: Po nipi i atij jam

Ai deklaroi se ministri i Brendshëm e identifikon veten me çdo punonjës policie, ndërsa foli edhe për projektligjin që i jep mundësinë punonjësve të policisë që të bëjnë karrierë në administratë.

“Në rastet e transferimit në administratën publike është parashikuar të ruhen gradat. me rëndësi është mundësia e rikthimit të punonjësit të policisë të transferuar. Punonjësve të Policisë së Shtetit tashmë i hapen shumë dyer. Me hyrjen në fuqi të këtij ndryshimi do bëhet e mundur që edhe ministria e Brendshme të ketë të punësuar në strukturën e saj disa ekspertë të fushave kryesore.

Rregullat do të përcaktohen me propozim të Këshillit të Ministrave. Ministri i Brendshëm e identifikon veten me punonjësit e Policisë së Shtetit. Murrizi ka pasur një periudhë që ka shërbyer në policinë e shtetit prandaj duhet t’i shajë sepse emrin e tyre e ka mbajtur dikur”, deklaroi Lleshaj.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button