Sandër Lleshi, ministri i ri i Brendshëm në pritje për tu dekretuar nga Presidenti i Republikës ka folur në studion e emisionit “Opinion”. Aio tha se kreu i qeverisë i ka vënë detyra të qarta.

“Edi Rama më ka dhënë një letër me 10 pika. Nuk do t’jua tregoj atë letër, por aty ka autoritet dhe pushtet të pakufizuar për punën time. Nuk kam asnjë kufizim. Nëse do ketë sukses do të jetë i një stafi të madh, por nëse do të ketë dështim, ai do të jetë imi.

Nuk ka lidhje kryeministri me këtë. Kohën e ardhshme do ta heq nga fjalori im. Nuk do të vij në studio, këtu apo diku tjetër dhe të them: “do bëjmë këtë apo do bëjmë atë” – tha ministri i ardhshëm.

Paraardhësi i tij Fatmir Xhafaj do të mbahet mend për premtimet e tij se “shumë shpejt do të kishte arrestime të bujshme”.