Lajme

LRE hap fushatën elektorale në Vlorë!

LRE ka çelur fushatën elektorale në qytetin e Vlorës. Ditën e sotme, Kryetari i LRE – Lëvizja e Re, z. Arian Galdini ka shkuar në qytetin e Vlorës ku edhe ka bërë prezantimin e kandidatëve për deputetë të LRE për Qarkun e Vlorës. Kryesuesi i listës së kandidatëve për deputetë të LRE për Qarkun e Vlorës është z. Alban Kokallaj. Alban Kokallaj ka qenë ushtarak i lartë në Ushtrinë e Shqipërisë deri në vitin 1999.

I shkolluar në Akademinë Ushtarake në Turqi dhe i larguar nga Shqipëria drejt Britanisë së Madhe në vitin 1999. Në Britaninë e Madhe ka arritur të bëhet sipërmarrës i suksesshëm dhe ka vendosur të kthehet nga Diaspora në Shqipëri për tiu bashkuar LRE – Lëvizjes së Re. Gjithashtu në Qarkun e Vlorës kandidon edhe ish – studentja e lëvizjes studentore të dhjetorit 2018, njëkohësisht edhe e diplomuar si Kimiste Ushqimore në Fakultetin e Shkemcave të Natyrës.

Më tej në listën e Vlorës është inxhinieri Gëzim Mëhilli, ekonomistja Kristina Nano dhe Sipërmarrësi Enrik Lato. Kryetari i LRE, Pedagogu Arian Galdini ka deklaruar se : “LRE është e vetmja parti politike shqiptare që hyn në zgjedhjet e 25 prillit 2021, me firmat e 6432 qytetarëve shqiptarë. Si e tillë, LRE është në këto zgjedhje si e vetmja alternativë e qytetarëve, nga qytetarët për qytetarët. LRE është e vetmja alternativë qytetare përballë Rregjimit Skuthokratik PS – PD – LSI. LRE hyn në këto zgjedhje me zero koalicion parazgjedhor për zero koalicion paszgjedhor jashtë parimeve e vlerave që Lëvizja e Re përfaqëson.

Jemi të vendosur në udhën tonë dhe nuk kemi asnjë ngurrim, as joshje e as mëdyshje në udhën që kemi nisur sepse ne e dimë që udha jonë është udhë e pas 26 prillit. Ne jemi partia e pas 26 prillit. Ne nuk jemi partia konvencionale që kërkon fitoren, synon fitoren dhe funksonon si dyqan elektoral që lind për 1 palë zgjedhje e i vë drynin partisë të nesërmen e zgjedhjeve nëse dështon. Ne jemi partia e një rruge të gjatë, partia e maratonomakëve që nuk i tremben as dështimit e as bëjnë gjithçka për fitoren e suksesin.

Ne duam të jemi partia e qytetarëve të thjeshtë, të ndershëm, të papërlyer dhe halleplotë. Ne tashmë kemi Nr 8 në fletën e votimit si parti. LRE do tē jetë Nr 8 në fletën e votimit. U bëjmë thirrje vlonjatëve dhe gjithë shqiptarëve që të votojmë së bashku Nr 8, të votojmë LRE, për të transformuar Shqipërinë.”

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: