Ishin të shumë qytetarë Vlonjatë që iu përgjigjën thirrjes së Presidentit të Republikës por formacionet e LSI-së dukej se bënin diferencën nga ana organizative, të drejtuar nga i deleguari politik i qarkut Vlorë z. Flamur Çelaj, koordinatori për qytetin e Vlorës z. Artan Liçaj dhe kryetari i Lsi për Sarandën z. Ilir Hysi. Duket se delegimi i Flamur Çelajt në Vlorë ka rifreskuar optimizmin dhe energjinë që karakterizon këtë forcë dhe kjo u pa edhe në takimin e zhvilluar dy ditë më parë në Vlorë, ku pjesëmarrja e madhe e njerëzve bëri që shumë prej tyre ti ndiqnin fjalimet në këmbë apo nga jashtë sallës ku zhvillohej takimi.