Lëvizja Socialiste për Integrim kërkon pamjet filmike të kamerave të qendrave të votimit në rang vendi. LSI i është drejtuar me një kërkesë Komisionit Qendror të Zgjedhjeve dhe kërkon kopjen e materialit filmik të 5199 pajisjeve në të gjithë vendin.
Gjatë një konferencë për shtyp, kryetarja Monika Kryemadhi teksa shprehu zhgënjimin për humbjen e LSI, theksoi se procesi zgjedhor ishte i manipuluar, ndërsa shtoi se fakte të reja do të bëhen të ditura në ditët në vijim. Po ashtu Kryemadhi pranoi se opozita gaboi me strategjinë për të djegur mandatet dhe mospërfshirjen në zgjedhjet lokale.