fbpx
Lajme

“Lufthansa në Shqipëri model suksesi”/ Appel: Krenarë e të kënaqur, dyfishojmë aktivitetin në Tiranë

Në mjediset e Lufthansa Industry Solutions, në Air Albania mbi 200 vajza e djem shqiptarë, profesionistë në informatikë, punojnë për kompaninë ajrore gjermane të flamurit në mbarë botën dhe me cilësinë e punës së tyre po kthehen në adresë edhe për të tjera kompani të mëdha gjermane.

Kryeministri Edi Rama vizitoi sot zyrat e kësaj kompanie, ku shprehu mirënjohjen për ekipin shqiptar, i cili, tha ai, falë përkushtimit kompania ka krijuar bindjen për dyfishimin e numrit të punonjësve shqiptarë, si edhe për zgjerimin e portofolit të investimeve në vendin tonë.

Drejtori i Lufthansa Industry Solutions, Bernd Appel bëri të ditur se kemi patur idenë për të investuar në Tiranë para 3 vitesh.

“Jemi të gëzuar që kemi punonjës me cilësi të lartë, por edhe bashkëpunimi që zhvillojmë aty me kolegët e Lufthansa në Gjermani po rritet dhe forcohet më shumë. Angazhimi i kolegëve të rinj në Tiranë duket qartë që është në rritje dhe është i shkëlqyer dhe vlen vetëm për ta lavdëruar. Ky është një model suksesi dhe ka disa avantazhe, që janë cilësia e lartë dhe kosto e ulët. Ne kemi mundësitë për t’i shfrytëzuar në Shqipëri”, tha ai.

Planet tona të së ardhmes, vijoi Appel, janë optimiste dhe ne parashikojmë që në dy vitet e ardhshme të dyfishojmë aktivitetin në Tiranë.

“Parashikojmë të bashkëpunojmë me universitetet dhe kjo mundësi është realiste për të rritur aktivitetin tonë. Ne jemi krenarë dhe të kënaqur kur shikojmë angazhimin në Tiranë dhe mund të bashkëpunojmë akoma më shumë edhe në të ardhmen. Bashkëpunëtorët tanë e vlerësojnë këtë bashkëpunim”, tha Appel.

Lufthansa Industry Solutions është një kompani që ofron shërbime në fushën e teknologjisë së informacionit si edhe integrime sistemesh. Kjo degë e Lufthansës ndihmon klientët e saj me transformimin digjital të kompanive të tyre. Klientët e Lufthansës përfshijnë kompani si brenda, ashtu edhe jashtë Grupit Lufthansa.ATSH

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button