Sipas MeteoAlb: Intervale kthjellimesh dhe vranësira të lehta dominojnë në skajin verior dhe jugor, ndërsa pjesa tjetër e territorit paraqitet me kthjellime. Pasditja dhe mbrëmja vijojnë në të njëjtat kushte atmosferike ku moti i kthjellët do të jetë prezentë në të gjithë Shqipërinë. Temperaturat e ajrit rriten në mëngjes por mbeten të pandryshuara në mesditë duke luhatur vlerat ditore nga 2°C deri në 22°C. Era do fryjë mesatare me shpejtësi 35 km/h nga drejtimi Veriperëndimor duke krijuar në det dallgëzim 3 ballë.
Kosova Masat ajrore të freskëta do të diktojnë mot të kthjellët në territorin e Kosovës. Parashikohet që edhe pasditja të vijojë me mot të kthjellët. Maqedonia e Veriut Zonat perëndimore gjatë mëngjesit do paraqiten me kthjellime dhe vranësira të lehta. Por pasditja sjellë largimin e vranësirave nga këto zona dhe dominim të kthjellimeve në vend.