Lulzim Basha ka mbërritur në selinë e Partisë Demokratike, ku kanë nisur përgatitjen për Kuvendin që do të mbahet të shtunën, në të njëjtën ditë kur PD e Berishës hedh në referendum shkarkimin e kreut të PD-së.Teksa foli shkurtimisht me gazetarët, Basha hodhi sytë nga qielli, për të thënë se sot ishte një kohë e mirë, me diell, dhe se ditë më të mira do të vijnë.
“Është një ditë e bukur sot, më mirë do të bëhet”, tha Basha. Më herët Faxweb.al zbardhi dhe porositë që Lulzim Basha iu kishte bërë deputetëve të Partisë Demokratike, për këtë javë. Basha u dha udhëzime deputetëve demokratë që në veçanti tu gjenden pranë familjeve dhe bizneseve që kanë vuajtut pasojat e përmbytjeve të ditëve të fundit.
Po ashtu mësohet se Basha kërkoi nga deputetët që po kështu aktivitetin parlamentar të javës ta ndërthurin me aktivitetin përgatitor në strukturat e Partisë në lidhje me përgatitjet për Kuvendin Kombëtar të thirrrur nga Kryesia e Partisë Demokratike këtë të shtunë, në datë 18 dhjetor.
Basha e përcaktoi 18 dhjetorin si një ditë vendimtare për të ardhmen e PD, në të cilën nuk do t’u flasë vetëm demokratëve, por gjithë shqiptarëve, e që do të projektojë modelin e ri të funksionimit dhe të akitivitetit politik të Partisë Demokratike.Sipas kreut të PD-së, në Kuvendin e 18 dhejtorit do të merren vendime të rëndësishme të cilat do ta shndrrojnë Partinë Demokratike në një forcë politike moderne, për t’u dhënë shqiptarëve një model qeverisës të shkëputur nga e kaluara dhe për të sjellë ndryshimin që meritojnë të gjithë.