Kreu i Partisë Demokratike, Lulzim Basha ka uruar këtë të diel të gjithë besimtarët ortodoksë me rastin e Pashkëve.
Përmes një mesazhi në “Facebook”, kryedemokrati shkruan se lutjet e para në këtë ditë shkojnë për çdo shqiptar që po përballet me virusin e pasojat e tij, si dhe për ata që shërbejnë me sakrifica të mëdha me qëllim mbrojtjen e jetës së qytetarëve.
Krahas urimit, Basha ka ndarë edhe një foto të lepurushave të Pashkëve të përgatitur nga vajzat e tij.
“Me urimin tradicional “Krishti u ngjall” dhe këtë foto të lepurushëve të Pashkëve përgatitur nga vajzat e mia, ju urojmë familiarisht të gjithë besimtarëve ortodoksë, nga mot Gëzuar!
Sot, urimet dhe lutjet tona të para, janë për të gjithë anëtarët e familjes tonë të madhe që përballen me virusin dhe pasojat e tij, për mjekët dhe infermierët tanë kurajozë e të palodhshëm, për të gjithë ata që shërbejnë me sakrifica të mëdha për të na mbrojtur dhe ndihmuar, për të gjithë shqiptarët në nevojë dhe shtrëngesë, për shërbëtorët e Zotit që me lutjet e tyre sjellin paqe e shpresë në shpirtin e çdokujt. Zoti ju bekoftë ju dhe familjet e të dashurit tuaj! Zoti e bekoftë Shqipërinë!”