Ish Zonja e Parë e SHBA, Michelle Obama i dërgoi një mesazh mbështetjeje aktivistes suedeze të klimës Greta Thunberg pasi 16-vjeçarja u tall në Twitter nga Presidenti amerikan Donald Trump. “Mos lejoni askënd të shurdhojë dritën tuaj,” shkroi ish-zonja e parë në Twitter. “Ashtu si vajzat që takova në Vietnam dhe në mbarë botën, ju keni kaq shumë për të na ofruar të gjithëve.” Pa përmendur Donald Trump, Michelle Obama shtoi, “Injoroni dyshuesit dhe dijeni që miliona njerëz po ju inkurajojnë”.
Thunberg, e cila ka frymëzuar protestues në mbarë botën për të bërë presion mbi qeveritë për të mbrojtur klimën dhe para pak revista ‘Time’ e shpalli ‘Personazhi i vitit 2019’ Të enjten presidenti amerikan Donald Trump shkroi në Twitter se ishte ” qesharake” që Thunberg ishte shpallur e tillë nga revista. “Greta duhet të punojë për problemin e saj të menaxhimit të zemërimit. Chill Greta, Chill!”, – ka shkruar Trump. Ish zëvendës presidenti dhe rivali potencial i Trump për zgjedhjet amerikane të vitit 2020, demokrati Joe Biden, duke reaguar ndaj këtyre komenteve shkroi në Twitter, “Çfarë lloj presidenti është ky që ngacmon një adoleshente?”
I.C./Shqiptarja.com