Lajme

Makina përplas biçiklistin në vijat e bardha, plagoset 70-vjeçari në Vlorë

Një aksident ka ndodhur pak momente më parë në rrugën Transballkanike në qytetin e Vlorës.

Drejtuesi i mjetit tip “Ford” ka përpalsur një 70-vjeçar me inicialet K.V. i cili ka qenë duke kaluar në vizat e bardha me bicikletën e tij. Si pasojë e goditjes 70-vjeçari ka marrë lëndime trupore dhe është dërguar në spital për të marrë ndihmë mjekësore.

Policia ka shoqëruar drejtuesin e automjetit dhe po zbardh rrethanat e ngjarjes.

Njoftimi i policisë:

Vlorë/Informacion paraprak

Rreth orës 12:00, në rrugën “Gjergj Kastrioti”, në vendin e quajtur “Ish-agjencia e vjetër”, shtetasi M. B., 30 vjeç, duke drejtuar automjetin tip “Ford”, ka aksidentuar shtetasin K. V., rreth 70 vjeç, i cili lëvizte me biçikletë. Për shkak të dëmtimeve të marra, 70-vjeçari është dërguar në spital dhe ndodhet nën kujdesin e mjekëve.

Gjithashtu, drejtuesi i automjetit, shtetasi M. B. është shoqëruar në ambientet e Policisë së Vlorës, për kryerjen e veprimeve të mëtejshme procedurale.

Grupi hetimor po punon për zbardhjen e plotë të rrethanave të aksidentit.

Artikuj të ngjashëm

Leave a Reply

Your email address will not be published.

Back to top button
Close