Lajme

Manastirliu: Do vaksinohen policët dhe gazetarët!

Ministrja e Shëndetësisë Ogerta Manastirliu  nga qyteti i Beratit,  dhe kryeministri Edi Rama deklaruan se do të nisë vaksinimi i gazetarëve të terrenit dhe i policëve. Ministrja bëri të ditur se sot do të nisë vaksinimi i gazetarëve të terrenit.

Në Berat në qendrën e vaksinimit masiv kemi filluar me gjyshet dhe gjyshërit. Në total janë vaksinuar më shumë se 3000. Sot mbërrijmë në shifrën e 100 mijë vaksinave vetëm në grupmoshën e mbi 70-vjeçarëve. Nga nesër përgatitemi të vaksinojmë policinë dhe gazetarët. Nesër fillojmë vaksinimin e punonjësve të policisë. Vazhdojmë ne Tiranën dhe shtrihemi në të gjithë Shqipërinë. Ne po nisim planin e vaksinimit të kombinuar. Nga nesër me policët dhe sot në drekë me gazetarët dhe operatorët e terrenit”, tha Manastirliu.

Ndërsa kryeministri Edi Rama tha se askush nuk duhet të bjerë pre e hienave dhe kukuvajkave. Ai tha se vaksina e ardhur nga Turqia është e suksesshme dhe do na nxjerrë nga tuneli i pandemisë.

‘Unë dua ta përsëris që të mos bjerë askush viktimë e hienave dhe kukuvajkave. Vaksina e ardhur nga Turqia e kompanisë kineze është e super suksesshme që Turqinë e nxjerr çdo ditë e më shumë nga tuneli i pandemisë.

Është vaksina që kanë preferuar vendet e pasura të lindjes së mesme dhe kurorat mbretërore të asaj zone kanë marrë këtë vaksinë.Fakti që nuk ka hyrë në BE nuk ka lidhje me eficencën e vaksinës por me çështje të një natyre tjetër që ne nuk na intereson dhe nuk na prekin.

Ne na intereson të nxjerrim nga tuneli popullin shqiptar dhe të nxjerrim nga kjo situatë pasigurie të gjithë popullsinë. Nesër fillojmë me efektivët e policisë. Do vazhdojmë edhe me gazetaret e terrenit. Po bëhen gati listat për punonjësit e shërbimeve hoteliere dhe grave dhe vajzave që punojnë na fasoneri.’- tha Rama.

Vaksinimi masiv në Shqipëri ka nisur prej 5 ditësh, dhe deri më tani janë vaksinuar afro 155 mijë qytetarë, ku është finalizuar imunizimi i bluzave të bardha, dhe po vazhdon vaksinimi i të moshuarve, mësuesve dhe pedagogëve. Shqipëria po merr aktualisht sasi të vogla vaksine nga Pfizer, me të cilin marrëveshja është për 500 mijë doza. Ndërsa po injektohen edhe doza të AstraZeneca, Sputnik V dhe Sinovac.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: