Lajme

Manastirliu: Më shumë se 200 mijë gjyshe dhe gjyshër sot janë më të mbrojtur nga Covid

Vaksinimi kundër Covid vijon masivisht në të gjithë vendin tonë tashmë për grupmoshën mbi 60 vjeç. Ministrja e Shëndetësisë Ogerta Manastirliu bën me dije se deri më tani janë vaksinuar në total më shumë se 200 mijë të moshuar. “Me lajmin e mirë se, më shumë se 200,000 gjyshe dhe gjyshër janë sot më të mbrojtur nga covid19 ju uroj një ditë të mbarë”, shkruan Manastriliu.

Në videon e postuar nga ministrja në “Facebook”, shihen disa të moshuarve të vaksinuar, të cilët shprehen të kënaqur që kanë bërë vaksinën, pasi tashmë ndjehen më të mbrojtur, duke theksuar se nuk i ka shkaktuar asnjë efekt anësor, ndërsa falënderojnë qeverinë.

Ndërkohë një ditë më parë në vend ka filluar edhe vaksinimi i dializantëve dhe i personave që kanë kryer transplante, pranë qendrave të dializës në të gjithë vendin. Deri më tani, në vend janë kryer 281.216 vaksinime, ku vetëm dje u vaksinuan 13.685 persona.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: