Maturantët dorëzojnë draftin me kërkesat e tyre në Ministrinë e Arsimit Rinisë dhe Sporteve duke lënë afat deri në mbremjen e sotme për te marrë një përgjigje për përmbushjen e tyre. Një zyrtar i ministrisë sipas tyre ka hedhur firmën në pranimin e draftit të dorëzuar çka nënkupton se drafti do t’u kalojë personave përgjegjës. Në qoftë se përgjigjja nuk u vjen nga ministria në fund të ditës së sotme maturantët lënë të hapur opsionin për të mos hyrë në provimin e radhës apo përshkallëzimin e protestave të tyre.
Mturantët në draftin e kërkesave të tyre kërkojnë rishqyrtimin e testit dhe vlerësim të problematikave në të nga ana e një komisioni të paanshëm. Gjithashtu ata kërkojnë të hiqen nga vlerësimi të gjitha pyetjet që sipas tyre nuk kanë qenë pjesë e sistemit të pyetjeve orientuese. Një pikë tjetër në të cilën ata ndalen është heqja e identifikimit të tezës, çka nënkupton heqjen e emrit dhe mbiemrit nga testi, me qëllim bërjen e saj sa më diskrete.
Problematikat e ngritura prej tyre kërkojnë një zgjidhje emergjente pasi mund të ndikojnë në mbarëvajtjen e provimeve të rradhës. Së fundi maturantët ndalen tek gjimnazet profesionale dhe kërkojnë rritje të koeficientit të tyre pasi sitemi aktual i vlerëson me të njëjtin koeficient si gjimnazet e përgjithshme. Këto përbëjnë 5 pikat kryesore të kërkesave të tyre që pritet të shqyrtohen nga ministria.
Krahas dorëzimit të draftit maturantët kanë qelluar me vezë në drejtim të ministrisë së arsimit duke shprehur indinjatën e tyre ndaj këtij institucioni. Pas dorezimit te listes me kërkesat maturantët kane mbyllur për sot protestën e tyre, ndërsa janë shprehur se do të mblidhen sërish nesër në orën 11.
