Klint Faber, maturanti shqiptar që jeton në SHBA është kthyer në Shqipëri tashmë që shkolla mbaroi, jo për pushimë, por për të ndarë me të rinjtë shqiptarë pasionin e tij për programimin kompjuterik. Ai tregon për RTSH se në SHBA është i përfshirë shumë në iniciativa të puëns vullnetare për komunitetin, teksa sugjeron që edhe në Shqipër të organizohet nëj ditë e tillë.

Sipas tij, do të ishte shumë mirë nëse Dita e Nënë Terezës të festohej si Dita Kombëtare e Shërbimit ndaj Komunitetit, ku të gjithë qytetarët dhe veçanërisht të rinjtë të punonin vullnetarisht për të përmirësuar komunitetin dhe lagjen ku jetojnë. “Unë do sugjeroja që edhe Shqipëria në Ditën e një figure të madhe si shenjtorja Nënë Tereza, ta festojë duke e konsideruar atë si  Dita Kombëtare e Shërbimit ndaj Komunitetit. “Të gjithë qytetarët veçanërisht të rinjtë, të inkurajojen që të punojnë një ditë vullnetarisht për të përmirësuar komunitetin dhe lagjen ku secili nga ne jeton”, thotë ai.