Lajme

Mbajtën peng një 17-vjeçar, Policia vë në pranga katër autorët e dyshuar dhe jep detajet e konfliktit

Policia e Elbasanit ka dhënë detaje mbi ngjarjen e ndodhur mbrëmjen e të mërkurës kur disa persona i hoqën lirinë një minoreni, duke e mbajtur për disa minuta në automjet.

Policia identifikoi dhe vuri në pranga 4 autorët e dyshuar, shtetasit: D. B., 20 vjeç, F. G., 19 vjeç, B. Q. 22 vjeç dhe E. G., 20 vjeç, banues në Elbasan.

“Këta shtetas, pas një konflikti fizik për motive të dobëta, në bashkëpunim me njëri-tjetrin, kanë mbajtur me forcë në automjet, për disa minuta, një 17-vjeçar të përfshirë në konflikt”, bën me dije policia.

NGJARJA, Sipas bluve, mbrëmjen e djeshme, rreth orës 22:20, salla operative e DVP Elbasan ka marrë njoftim për një konflikt mes disa adoleshentëve, në afërsi të pallatit të sportit. Sipas njoftimit disa nga personat e përfshirë në konflikt kishin marrë në automjet, pa dëshirën e tij, një person tjetër të përshirë në konflikt.

Menjëherë pas marrjes së njoftimit, shërbimet e Policisë kanë shkuar në vendngjarje dhe falë veprimeve të shpejta hetimore kanë bërë të mundur zbardhjen e rrethanave të ngjarjes dhe identifikimin e personave të përshirë në konflikt.

Materialet hetimore i kaluan Prokurorisë pranë Gjykatës së Rrethit Gjyqësor Elbasan, për veprën penale “Heqja e paligjshme e lirisë”, e kryer në bashkëpunim.

Artikuj të ngjashëm

Leave a Reply

Your email address will not be published.

Back to top button
Close