Mbrëmjen e sotme në Kosovë, grupi i parë i qytetarëve afganë, prej rreth 100 personash, të cilët kanë ikur nga shteti i tyre, pasi talibanët kanë marrë pushtetin në dorë. Radio Evropa e Lirë, bën me dije se në mesin e tyre ka gra dhe fëmijë. Ata u transportuan me një avion të forcave ajrore amerikane.
Për të pritur qytetarët afganë, në Aeroportin Ndërkombëtar “Adem Jashari” dolën presidentja e Kosovës, Vjosa Osmani, kryeministri Albin Kurti edhe ambasadori i Shteteve të Bashkuara në Prishtinë, Philip Kosnett. Mësohet se në aeroport kanë qenë të pranishme forca policore të Kosovës dhe pjesëtarët e KFOR-it për të mbajtur sigurinë.
Qytetarët afganë, që kanë punuar me NATO-n, së bashku me familjet e tyre, do të qëndrojnë përkohësisht në Kosovë, derisa t’iu rregullohen dokumentacionet për qëndrim afatgjatë në Shtetet e Bashkuara. Afganët që kanë arritur në Kosovë, sipas burimeve nga mediat vendase do të strehohen në bazën ushtarake “Bondsteel” që gjendet në Ferizaj. Në aeroportin “Adem Jashari” po ashtu janë parë disa autobusë të Forcës së Sigurisë së Kosovës që do të transportojnë afganët.
Qeveria e Kosovës ka thënë se do të strehojë përkohësisht rreth 2.000 afganë, të cilët kanë punuar me forcat amerikane dhe ato të NATO-s apo edhe me organizata të huaja. Mësohet se në aeroportin e Prishtinës kanë zbritur 100 persona. Në mesin e tyre ka gra dhe fëmijë. Për të pritur qytetarët afganë, në Aeroportin Ndërkombëtar “Adem Jashari” dolën presidentja e Kosovës, Vjosa Osmani, kryeministri Albin Kurti edhe ambasadori i Shteteve të Bashkuara në Prishtinë, Philip Kosnett.