Ambasada e Republikës së Shqipërisë në Greqi njofton se kanë mbërritur në Zyrën e Shpërndarjes pranë Ambasadës së Republikës së Shqipërisë në Athinë pasaportat dhe kartat e identitetit për aplikimet e kryera deri në datën 4 shtator 2020.

“Shpërndarja e dokumenteve biometrikë do të vijojë me të dy mënyrat: Nëpërmjet tërheqjes në sportel nga vetë qytetari ose nga persona të tretë të pajisur me autorizim (deklaratë me përgjegjësi nga K.E.P), nga dita e hënë deri në të premte, ora 08:00-16:30.Nëpërmjet shërbimit postar: Bazuar në e-mailet e grumbulluara deri në datën 20 shtator 2020 në postën tonë elektronike [email protected] Bazuar në deklaratat e plotësuara me adresat e sakta pas aplikimit në Zyrën Konsullore,  praktikë e futur në zbatim nga data 21 shtator 2020”, shprehet ambasada.

Po ashtu, ambasada njofton se ka filluar shërbimi postar edhe për shpërndarjen e Kartave të Identitetit.

“Kjo do ju kursejë tashmë distancat dhe kostot që rrjedhin nga paraqitja e detyruar fizike në sportelin e Ambasadës. Aktivizimin e kartës suaj ID mund t’a kryeni në çdo zyrë aplikimi për pasaporta të vendit tuaj të banimit në Shqipëri, kur të gjendeni atje”, shprehet ambasada.