fbpx
Lajme

Mbështetësit e Trump rrethojnë qendrën e numërimit të votave. Mediat e bëjnë të sigurt fitoren e Biden

Asgjë nuk mund të konsiderohet e mbyllur në SHBA, ku edhe pse në projeksionet e mediave shumë shtete kanë mbyllur numërimin e fletëve, në qendrat e numërimit të votave ende ka momente tensionesh, të shoqëruara me ankthin e pritjes. Kështu në një qytet të Arizonës, Maricopa ka pasur tensione të shumta, për shkak se qendra e numërimit të votave është rrethuar nga mbështetës të Trump, një pjesë e tyre dhe të armatosur. Për këtë shkak zyrtarët lokalë kanë vendosur që qendra e numërimit të votave të jetë e mbyllur për mediat dhe për publikun, ndërsa dhjetra forca policie kanë rrethuar godinën.

“Stafi në Departamentin e Zgjedhjeve @maricopacounty do të vazhdojë punën e tij, e cila është administrimi i zgjedhjeve në juridiksionin e dytë më të madh me të drejtë vote në qark,” cicëroi departamenti i zgjedhjeve në qarkun Maricopa në një deklaratë të mërkurën vonë. Mes turmës është vërejtur edhe Kongresmeni i Arizonës, që i përket republikanëve.

Protestuesit në Qarkun Maricopa, disa prej të cilëve po tundnin flamuj të Trump, kanë brohoritur “Fox News shpif!” dhe “Numëroni votat!” Një korrespodent i NBC News i cili u largua nga ndërtesa mbrëmjen e së mërkurës vonë njoftoi përmes Tëitter se turma “që pretendonte se vota po vidhej nga presidenti ishte rritur dhe bërë më e zhurmshme”. Shteti i Arizonës ka 11 vota elektorale, dhe është konsideruar një prej atyre që do të vendosin rezultatin e këtyre zgjedhjeve, ndërkohë që mediat kanë nxituar duke thënë se fituesi në këtë shtet është Biden.

Autoritetet u kanë kërkuar gazetarëve që të largohen nga godina e numërimit të votave. Përveç Arizonës, ku është në avantazh, Biden do të duhej të fitonte edhe shtetin e Nevadës në mënyrë që të merrrte zyrtarisht 270 vota elektorale që i duhen për t’u shpallur president. Biden ka ngushtuar diferencën, dhe ka bërë një përparim të konsiderueshëm në numërimin e votave në Pensilvani dhe Xhorxhia.

Në një fjalim të mërkurën, Biden shprehur besimin se ai do të përfundonte me vota të mjaftueshme elektorale për të fituar presidencën, ndërkohë që u tregua i kujdesshëm që të mos shpallte fitoren e parakohshme. “Unë nuk jam këtu për të deklaruar se kemi fituar. Por unë jam këtu për të raportuar se kur të përfundojë numërimi, ne besojmë se do të jemi fituesit”, u shpreh Biden para mbështetësve të tij.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button