Ministrja e Shëndetësisë dhe Mbrojtjes Sociale, Ogerta Manastirliu, gjatë mbledhjes së Komisionit për Ekonominë dhe Finanancave, ka deklaruar se qeveria shqiptare ka arritur të sigurojë mbi 500 mijë doza vaksine që pritet të arrijnë në Shqipëri brenda muajit dhjetor.
Pas marrëveshjes së bërë me kompaninë Pfizer, Manastirliu tha se kontrata e re nuk ka asnjë ndryshim në çmim apo në kushtet të tjera Këto doza do ti kushtojnë buxhetit të shtetit shqiptar 6 milion dollarë.
Teksti i marrëveshjes që miratojmë sot i hap rrugën nënshkrimit të marrëveshjes. Këto vaksina pritet të vijnë nga marrëveshja e dytë tashmë me Pfizer. Fakti që po sjellim që amendim bëhet për arsye se kjo marrëveshje nuk ka ndryshime. Vjen me një sasi plus 500 mijë vaksina dhe afati i lëvrimit të tyre është brenda dhjetorit të këtij viti.
Me këto vaksina sigurojmë rritjen e mbulesës së vaksinimit të popullatës. Synimi i qeverisë shqiptare është ta realizojë këtë sa më shpejt. E dimë çfarë problematikash kanë pasur vendet e rajonit. Në Shqipëri kemi më shumë se 2 milion doza vaksinash të mbërritura,” u shpreh ministrja e shëndetësisë.
Manastirliu tha gjithashtu se përqindja e popullatës së vaksinuar me një dozë sot është 44%, ndërkohë që përqindja e popullatës së vaksinuar me dy doza është drejt 36% e popullatës target +18 vjeç.