Dita Europiane e Parqeve u promovua për të gjeneruar mbështetje të gjerë, në mënyrë që të ruheshin mushkëritë e qyteteve, por ditët që i kushtohen mjedisit, sado qofshin, nuk mjaftojnë që njerëzit të ndërgjegjësohen për të mos i lënë mbeturinat ku t’iu teket.
Prej ditësh me orë të zgjatura pune, për të pastruar Pyllin e Sodës në Vlorë , punëtorët po gjenden përpara pamjeve të tilla që u hedhin poshtë të gjithë mundimin e një dite më parë. Natyra është e të gjithëve dhe i shërben mirëqenies shëndetësore të të gjithëve.
Mënyra se si trajtojmë natyrën reflektohet në shëndetin e secilit dhe të gjithë qytetit. Mbeturinat nëpër rrugë janë prezantimi i parë, më i rëndësishmi, me turistët! Mbrojeni pyllin, mbrojeni veten, ndihmojeni qytetin!