Lajme

Më 20 dhjetor seanca, kush janë 3 gjyqtarët që do të vendosin për Saimir Tahirin

Dosja hetimore ndaj Saimir Tahirit në Gjykatën kundër Korrupsionit dhe Krimit të Organizuar, do të nisë të rishqyrtohet më 20 dhjetor të këtij viti. Seanca e parë ndaj ish-ministrit të Brendshëm dhe ish-drejtorit të Policisë së Vlorës Jaeld Çela do të mbahet në orën 09:00.

Ndërkaq, është plotësuar edhe trupa gjykuese që do të kryesohet nga Daniela Shirka dhe dy anëtarët Engert Pëllumbi dhe Igerta Hysi. Kjo e fundit u zgjodh si anëtare e tretë nga Këshilli i Lartë Gjyqësor pas dorëheqjes së dy gjyqtarëve.

Ish-ministri Tahiri u vu nën shënjestrën e organeve të drejtësisë në tetor të vitit 2017, pasi autoritetet italiane goditën një grup të strukturuar kriminal në t rafikun e m arijuanës, që drejtohej nga vëllezërit Habilaj –të afërm të Tahirit.

Prokuroria e akuzoi Tahirin për trafik të narkotikëve dhe kërkoi arrestimin e tij, por shumica parlamentare socialiste e bllokoi kërkesën për arrestim dhe e sulmoi hetimin e prokurorisë si të njëanshëm.

Në shtator 2019, Tahiri u shpall i pafajshëm për akuzat e trafikut të narkotikëve dhe grupit të strukturuar kriminal, por u dënua nga Gjykata e K rimeve të Rënda me 5 vjet b urg për shpërdorim detyre, dënim i cili u konvertua me 3.4 vjet për shkak të gjykimit të shkurtuar. Vendimi i shkallës së parë u prish nga Gjykata e Posaçme e Apelit, e cila e riktheu çështjen për rishqyrtim.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: