Policia gjermane ka zhvilluar një kontroll në një kantier të madh ndërtimi në Wolfsburg dhe kanë gjetur 12 shqiptarë që ishin të punësuar ilegalisht. Sipas mediave vendase mësohet se gjithsej ishin 60 punëtorë që ishin në këtë kantier.

Më tej shtohet se tre prej shqiptarëve që kur pamë makinën e autoriteteve kanë tentuar të largohen nga kantieri, por ata u kapën dhe pas kontrollimit të bërë, u konstatua se nuk kishin leje qëndrimi dhe as leje pune në Gjermani.

Po ashtu kontrolle pati dhe për punëtorët e tjerë, dhe gjithsej 12 shqiptarë nuk kishin asnjë dokumentacion.

Tetë prej tyre fillimisht kanë treguar dokumente false, me identitet të vendeve të Evropës Lindore që janë anëtare të BE-së. Duke qenë se doganierët e kanë të njohur këtë lloj mashtrimi, i dërguan punëtorët në qendrën policore për ekzaminim më të saktë të dokumenteve dhe për marrje në pyetje.

Ata kanë konstatuar se disa nga punëtorët kanë qenë duke marrë padrejtësisht ndihma sociale ose kanë qenë të regjistruar në mënyrë fiktive si persona me veprimtari të pavarur.

Por nuk e kanë pësuar vetëm 12 punëtorët shqiptarë të cilët tashmë rrezikojnë shumë, por dhe kompania që i kishte punësuar ata. Mësohet se strukturat shtetëror kanë mbyllur kantierin e ndërtimit për këto shkelje.