Policia e Vlorës ka zbuluar një mashtrim dhe një inskenim pas denoncimit të rremë të një të riu nga Kosova.Ai kishte denoncuar vjedhjen e makinës luksoze me vlerë 180 mijë euro gjatë kohës që ndodhej me pushime në Vlorë por me sa duket plani ka qenë i mirëmenduar për të përfituar një shumë marramendëse pas shitjes së mjetit, prodhim i vitit 2019, i sapo ardhur nga Gjermani.“Nga  hetimet e kryera, Specialistët e Seksionit  për Hetimin e Krimeve bënë zbardhjen e plotë të ngjarjes, ku ka rezultuar se shtetasi G.H ka bërë kallëzim të rremë para organeve të policisë për arsye se në bashkëpunim me dy shtetas të tjerë kanë dashur ta shesin automjetin në fjalë për qëllime përfitimi.“Mercedes Benz S Class 63 AMG” i vitprodhimit 2019,  shtetasi G.H., e kishte blerë  në Gjermani me këste nga një kompani.Ky automjet kap vlerën 180 000 €uro (njëqind e tetëdhjetë mijë euro) nëse do të shitej sipas planit të bashkëpunëtorëve të mësipërm.

Në përfundim të veprimeve, u bë ndalimi i shtetasit G.H., 29 vjeç, nga Kosova por me banim në Gjermani, si dhe u shpallën në kërkim dy shtetasit e tjerë, italiani M.C dhe tjetri nga Kosova F.H.Materialet iu referuan Prokurorisë në ngarkim të tyre për veprat penale “Vjedhja” e kryer në bashkëpunim dhe “Kallëzimi i rremë”,-njofton policia.