Numri i udhëtarëve që përdorin transportin publik vijon të jete i ulët, e për pasojë edhe numri i aboneve të shituara këtë muaj është i ulët. Megjithatë punonjësit e këtij sektori thonë se mes udhëtarëve ka më shumë nga ata që janë të pajisur me abone. Rënia e shitjeve të aboneve lidhet edhe me numrin e ulët të qytetarëve që përdorin transportin publik. Gjatë muajit shtator janë shitur rreth 35% e numrit total të aboneve.
Pas rinisjes së punës për transportin publik, qytetarët kanë bërë thirrje për rikthimin sa më parë të aboneve, ata thonë se pajtimi mujor është shumë i rëndësishëm pasi ul shpenzimet ditore.Interesin e udhëtarëve për këtë biletë të përmuajshme e pohojnë edhe faturinot.
Një abone e përgjithshme kushton 1600 lekë, por ka denoncime se kompani të ndryshme e kanë shitur atë me çmim më të ulët, çka është në kundërshtim me ligjin. Sektori i transportit publik ishte një nga ata sektor të cilët bënë rezistencë për rikthimin në punë për shkak të kushteve dhe shpenzimeve të përcaktuara në protokollin e sigurisë anti-Covid. E megjithëse puna e tyre vijon normalisht, numri i udhëtarëve vijon të mbetet i ulët.