Regjistrimi amerikan i vitit 2020 ka filluar zyrtarisht në gjirin e Toksook, një fshat i largët në bregdetin e Alaskës. Steven Dillingham, kreu i Byrosë së Regjistrimeve të SHBA, ka nisur numërimin me një vizitë ceremoniale të një plaku fisnor, Lizzie Chimiugak Nenguryarr, 90 vjeç.
Regjistrimi bëhet çdo 10 vjet, dhe shumica e banorëve të vendit numërohen nga mesi i marsit. Por regjistruesit në këtë zonë nisin punën që në janar, kur toka është ende e ngrirë, pasi nëse do të do të prisnin disa muaj toka do të kthehej në kënetë dhe do të ishte e pamundur të kalonin.
Personat përgjegjës për të bërë regjistrimin në këtë zonë përdorin slitë, qen dhe motorë dëbore për të arritur në këto vende. Në regjistrimin e fundit të bërë në 2010, Gjiri i Toksook kishte një popullsi prej 590 banorë. Byroja vlerësoi në vitin 2017 se kjo ishte rritur në 661.