Mediat turke publikuan pamjet nga kamerat e sigurisë së hotelit ku qëndruan shtetasit e Maqedonisë së Veriut në Turqi të cilët humbën jetën në aksidentin tragjik të ndodhur në orët e para të mëngjesit të 23 nëntorit.
Pamjet tregojnë fëmijë dhe të moshuar që largohen nga hoteli dhe hipin në autobusin e “Besa Trans” Shkupit, i cili mori flakë disa orë më vonë në afërsi të fshatit Bosnek në Bullgari, duke shkaktuar vdekjen e 45 personave. Aksidentit i kanë shpëtuar 7 pasagjerë të cilët ndodhen në spitalin e Sofjes dhe janë jashtë rrezikut për jetën.