Lajme

Merkel: Interes absolut për pranimin e Ballkanit Perëndimor në BE

Kancelarja gjermane, Angela Merkel e sheh si absolutisht të nevojshme integrimin e shteteve të Ballkanit Perëndimor në Bashkimin Evropian. “Evropa ka një interes gjeostrategjik absolut në pranimin e këtyre vendeve në BE”, tha politikania konservatore dje në mbrëmje gjatë një vizite në Beograd.

Gjashtë shtetet e Ballkanit Perëndimor, Serbia, Mali i Zi, Bosnje-Hercegovina, Maqedonia e Veriut, Shqipëria dhe Kosova po përpiqen për anëtarësimin në BE, por ende duhet të bëjnë shumë reforma. ”Rruga është e gjatë”, pranuan Merkel dhe Vuçiç në një konferencë të përbashkët për shtyp në kryeqytetin serb.

”Kancelarja u takua gjithashtu me përfaqësues të shoqërisë civile nga shtetet e Ballkanit Perëndimor në Beograd”, sipas një zëdhënësi të qeverisë gjermane.

Si pjesë e vizitës së saj dyditore në rajon, Merkel shkon sot në Tiranë. Atje ajo pritet të takojë krerët e qeverive të gjashtë shteteve të Ballkanit Perëndimor. Ajo tha se ishte e bindur se rajoni kishte një rëndësi të madhe në politikën evropiane.atsh

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: