Edhe një herë më shumë ushqimet e skaduara gjenden në tryezat e shqiptarëve. Këtë herë bëhet fjalë për një grua nga Vlora, e cila ka blerë disa pako me oriz, për të gatuar pilaf në shtëpinë e saj, por sot, pasi ka nisur të gatuajë, ka vënë re se orizi ishte i mbushur me miza të vogla. Disa mund të qeshin, por produkti është brenda datës së skadencës dhe bazuar në denoncimin e zonjës se skadon ne 2021 , pakon e ka hapur sot, pra nuk ishte hapur më parë, në mënyrë që ndoshta, për shkak të kushteve të papërshtatshme, mizat të ishin futur mes orizit. Zonja shkruan:
“Ky është orizi që bleva në një supermarket në Vlorë. Unë kupon nuk kam pasi e kam hedhur poshte dhe pakot e orizit si vura re, po vetëm për të parë se me çfarë ushqehemi ne, se nuk është se vetëm ky supermarket i ka kështu. Mendoj se ky problem është në të gjithë vendin. Nuk ka rëndësi emri fare i supermarketit, e rëndësishme është të shohin njerëzit çfarë po konsumohet tek ne. Është bërë kanceri si grip në Shqipëri nga këto që konsumojmë”, thotë gruaja. Ju lutemi merrni masat pasi kjo fabrikë është fare pranë Vlorës dhe ndodhet në Fier.