Nga Vlora presidenti Meta lidhur me çështjen e bllokimit të aeroportit të Rinasit u shpreh se kjo është një ngjarje e rëndë që nuk duhet të ndodhte nga të dyja palët, si qeveria ashtu edhe kontrollorët.
Meta i bëri thirrje Ramës “ti thërrasë mendjes, nuk jemi në Amerikën Latine”Cenohet siguria kombëtare dhe ndërkombëtare, problemet prej muajsh

Meta: Kjo është një ngjarje që nuk duhet të ndodhte nga të dyja palët. Kjo gjë cenon seriozisht detyrimet e shteti ndaj qytetarëve, sigurinë kombëtare, por edhe sigurinë ndërkombëtare si një vend anëtar i NATO-s. Është një mesazh i gabuar dhe një lënie nervash nga të dyja palëve. Sindikata e kontrollorëve, prej disa muajsh ka ngritur problemet e saj me shkresa ndaj qeverisë dhe ndaj partnerëve ndërkombëtarë. Nuk ka pasur një reagim nga institucionet përkatëse.

Unë jam lajmëruar disa herë dhe kam dërguar shkresat e mia. I kam pritur këta përfaqësues në një takim në presidencë. Ata thanë se të drejtat e tyre ishin cenuar në bazë të kontratave që kanë. Kundërshtonin pezullimin e të drejtave sipas një periudhe të pacaktuar. Ata prej muajsh nuk kishin marrë asnjë përgjigje.