Shifrat në rritje të rasteve të reja pozitive me Covid-19 në vend ka bërë që Ministria e Shëndetësisë të rikujtojë në mënyrë permanente qytetarët dhe bizneset që të rrespektojnë masat e higjenës dhe distancimit social. Ditën e sotme njoftimi i ministrisë i është kushtuar operatorëve turistikë. Sezoni i pushimeve verore ka nisur me hapa të ngadaltë si pasojë e pandemisë, por gjithësesi Ministria e Shëndetësisë i bën apel bizneseve në këtë sektor që të jenë vigjilent dhe të zbatojnë me rigorozitet protokollinë e masave të ministrisë. Distancimi fizik si dhe higjena qëndrojnë në themel të masava që u kërkohen.
Postimi i plotë: Ministria e Shëndetësisë dhe Mbrojtjes Sociale i drejtohet çdo sipërmarrje turistike dhe të gjithe pushuesve të zbatojnë protokollin e masave anti-Covid19 përgjatë gjithë sezonit.
Stafi i shërbimit, në kontaktet me pushuesit / vizitorët duhet të mbajë në mënyrë të domosdoshme maskat mbrojtëse. Në strukturat akomoduese duhet të ruhet distancimi fizik jo më pak se 1.5 metër. Të zbatohen me rigorozitet masat e pastrimit dhe dezinfektimit në të gjitha zonat bufe, bare, restorante, kuzhina në të gjitha strukturat akomoduese.
Të tregohet kujdes në përdormin e ashensorit në strukturat akomoduese që e disponojnë atë, duke respektuar masat e distancimit dhe të higjienës. Të kryhet dezinfektimi i krevateve të plazhit, shërbimeve higjienike dhe aksesorëve të ndryshëm në mënyrë periodike. Të respektohet hapësira midis çadrave dhe ndenjëseve të pushuesve në distancë jo më pak se 3.5 m dhe të evitohen grumbullimet shoqërore