Ministrja e Financave, Anila Denaj i është nënshtruar tamponit për të parë nëse është infektuar apo jo me Covid-19. Dosja.al ka siguruar listën me shumë persona që i janë nënshtruar testit për koronavirusin, dhe mes tyre ndodhet edhe emri i ministres Denaj. Nga rezultatet e dala, ministrja e Financave, Anila Denaj, nuk është e infektuar me Covid-19. Nuk dihet se çfarë e ka shtyrë ministren Denaj që t’i nënshtrohet këtij testi, nëse ka pasur simptoma apo nëse në rrethin e saj të punës, familjes apo shoqërisë ka ndonjë person të infektuar.
Gjithsesi, Shqipëria e vijon luftën me Covid-19. Gjatë 24 orëve të fundit janë zbuluar edhe 155 persona të infektuar me Covid-19, ndërkohë që dy persona kanë ndërruar jetë./Dosja.al