Categories Lajme

Miratohet Projekt-Buxheti i vitit 2022, Të ardhurat e buxhetit për vitin 2022 pritet të jenë në 536.8 miliardë lekë

Sot, në Komisionin e Ekonomisës, pas dy javë diskutimesh të gjata edhe debate, miratuam Projekt-Buxhetin e vitit 2022, i cili më tej do ti kalojë për shqyrtim Kuvendit.

Ky buxhet i cili vjen pas një periudhe të vështirë krizash të njëpasnjëshme për të gjithë botën do të garantojë:

* Shpenzimet buxhetore për vitin 2022 programohen të jenë 737.6 miliardë lekë ose 34.1% e GDP së, duke vijuar investimet e nisura në sektorët e arsimit, shëndetësisë, bujqësisë, infrastrukturës dhe rindërtimit, si edhe ndihma për shtresat në nevojë.

* Të ardhurat totale të buxhetit për vitin 2022 pritet të jenë në 536.8 miliardë lekë, me një rritje prej 7.8% krahasuar me vitin 2021.

* Rriten me 6% pagat e punonjësve në sektorët e shëndetësisë, arsimit dhe mbrojtjes.

* Financohen si prioritete mbështetja e start-up-eve, pagesa e papunësisë së naftëtarëve dhe garancia sovrane 1 miliardë lekë për manifakturën dhe sipërmarrjen.

* Fermerët përfitojnë rreth 12.7 miliardë lekë në vitin 2022 përmes skemave shtesë për fermerët, rimbursimit të naftës, projektit të Garancisë së Kredisë për zonat rurale dhe garancisë sovrane për fermerët.

* Do të vijojë fokusi në shëndetësi me financimin e vaksinës COVID-19 për vitin 2022 me vlerën 2.7 miliardë lekë.

* Rritet fondi i mbështetjes për shtresat në nevojë: ndihma ekonomike rritet me 10%, trefishohet ndihma për gratë e trafikuara dhe fëmijët e mitur dhe dyfishohet ndihma për nënat me shumë fëmijë.

* Në një zë të veçantë të skemës së sigurimeve sociale, në buxhet parashikohet indeksimi i pensioneve (prej 2.6 miliardë lekë) dhe bonusi i fundivitit për pensionistët (3.5 miliardë lekë).

* Gjithashtu buxheti i vitit 2022 parashikon shpenzimet për pagesën e papunësisë me 900 milionë lekë, për pagesën e aftësisë së kufizuar me 23.5 miliardë lekë dhe për ish-të përndjekurit me një fond prej 1 miliard lekë.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME