Lajme

Mjeku Prifti humb vendin e punës si pedagog, nuk lejohet të rikthehet në auditore

Mjeku Edvin Prifti nuk do të mundet të japë mësim në auditoret e  Universitetit të Mjekësisë. Gjykata e Posaçme kundër Korrupsioni në Apel, ka refuzuar kërkesën e mjekut Edvin Prifti për të hequr masën e sigurimit të pezullimit të tij nga detyra.

Apeli ka lënë në fuqi vendimin e shkallës së parë që Edvin Prifti të mos marrë pjesë në auditore si profesor. Në shkurt të këtij viti ish shefi i kardiologjisë në QSUT ra në pranga pas një hetimi të Prokurorisë së Posaçme SPAK, për lirimet nga burgjet.

Kardiokirurgu Prifti akuzohet se i mori ryshfet kryesekretares së Gjykatës së Krujës, Manuela Mallakuçi për t’i operuar nënën. Gjatë kontrollit, atij iu gjetën 250 mijë Euro dhe 16 milionë lekë cash në zyrë e shtëpi. Vetë mjeku Edvin Prifti ka pretenduar se pasuria e tij buron nga pronat e trashëguara nga e shoqja, nga paga e tij në punën si mjek por edhe nga seminaret dhe aktivitetet ndërkombëtare ku ka marrë pjesë.

Prifti aktualisht është me detyrim paraqitje, ndërsa po hetohet për korrupsion pasi doli nga përgjimet që po kryheshin në Gjykatën e Krujës, operacion që u finalizua arrestimin e 13 personave, mes tyre edhe gjyqtarja Enkelejda Hoxha.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: