Policia Rrugore e Tiranës po vijon monitorimin me radar në rrugën interurbane Tiranë-Elbasan, për evidentimin dhe ndëshkimin e shkelësve të Kodit Rrugor, me qëllim parandalimin e aksidenteve rrugore. Pavarësisht fluksit të lartë të automjeteve, përsëri janë evidentuar shumë drejtues mjetesh që nuk respektojnë sinjalistikën rrugore.
Konkretisht prej orës 16:00 deri në orën 23:30 të ditës së djeshme, në rrugën interurbane Tiranë-Tuneli i Krrabës-Tiranë, në Ibë, janë ndëshkuar 43 drejtues mjetesh që qarkullonin me shpejtësi, që varionte nga 125 km/h deri në 139km/h. Nga këta, 12 drejtues mjetesh janë ndëshkuar me masë administrative 10.000 deri në 20.000 lekë dhe me pezullim të lejes së drejtimit nga 1 deri në 2 muaj, ndërsa 31 drejtues mjetesh janë ndëshkuar me masë administrative nga 6.000 deri në 12.000 lekë, pa masën plotësuese të pezullimit të lejes së drejtimit.
Po ashtu, janë ndëshkuar edhe 16 drejtues mjetesh me masë administrative 3.000 lekë, pasi kanë kryer parakalime të rrezikshme me rrezik potencial për përfshirje në ngjarje rrugore.