Sjellje e papranueshme dhe jo etike ka është kryer ndaj gazetares së televizionit Fax News nga një biznesmen ditën e djeshme.
menjëherë pas ngjarjes gazetarja Fatmira Bajrami ka bërë një kallëzim në Komisariatin e Policisë së Fierit ndaj biznesmenit të hidrokarburve Edmond Bejtja, pasi ai e ka ofenduar gjatë protestës së banorëve të fshatit Visokë.
Ngjarja ndodhi gjatë një prononcimi që biznesmeni po jepte në lidhje me protestën e banorëve të fshatit të cilët e akuzonin për prishjen e rrugës.
Interesimi i gazetares Fatmira Bajrami në lidhje me çështjen, bëri që biznesmeni t’i hakërrehej me një gjuhë aspak etike duke i thënë “mos na çaj shumë trapin”. “Po kërkoj që të mos më njollosë emrin e imazhin. Jam ndjerë e ofenduar dhe e diskriminuar “, shkruan gazetarja në kallëzimin e bërë në polici.
Denoncimi i gazetares Fatmira Bajrami:
Ditën e sotme unë shtetesja Fatmira Liman Bajrami së bashku me operatorin Gledian Petref Hoxhallari kam bërë një kallëzim në Komisariatin e Policisë Fierit , bashkëngjitur me një procesverbal për të gjithë ngjarjen e datës së djeshme, ku shtetasi Edmond Bejtja pronari i firmës nënkontraktore “Terra Oli Sëiss” më ka ofenduar.
Nuk kam reaguar ne asnjë çast gjatë intervistës që i kemi marrë në lidhje me protestën e banorëve të fshatit Visokë.
Pas mbarimit jemi larguar dhe në 30 minuta ballafaqim para kamerave, gazetarëve, operatorëve dhe banorëve nuk ka kërkuar falje. Madje mëngjesin e sotëm personi ne fjalë Edmond Bejtja ka vijuar bisedat po me te njëjtën gjuhë në rrjetet sociale. Po kërkoj që të mos më njollosë emrin e imazhin. Jam ndjerë e ofenduar dhe e diskriminuar .