fbpx
Lajme

Mrekullitë ekzistojnë/ Qëndroi 91-orë nën rrënoja, nxirret shëndoshë e mirë 4-vjeçarja turke

Një vogëlushe 4-vjeçare është shpëtuar nga ekipet e kërkim shpëtimit në Turqi, duke u nxjerrë e gjallë nga rrënojat e një pallati të shembur në Izmir. 4-vjeçarja me emrin Ayda Gezgin, u arrit të nxirrej pas 91 orësh qëndrim nën rrënojat e Rıza Bey Apartment. Kjo është mrekullia e dytë në Izmir, ku një tjetër foshnjë u arrit të shpëtohej nën rrënoja 65 orë pas tërmetit të fuqishëm që goditit Turqinë.

Kryetari i Bashkisë Metropolitane të Izmirit, Tunç Soyer deklaroi se “Ekipet kanë arritur të shpëtojnë një foshnjë të gjallë”. Pas publikimit të lajmit ekipet e shpëtimit, në mënyrë të menjëhershme dërguan serum dhe batanije në zonë. Kujtojmë se numri i të vdekurve nga tërmeti shkatërrues që goditi Turqinë dhe Greqinë të premten ka arritur në 100.

Sipas njoftimit të fundit nga Agjencia Turke për Katastrofën dhe Menaxhimin e Emergjencave, numri më i madh i viktimave, 98 prej tyre, janë në Izmir, ndërsa dy vajza vdiqën në ishullin grek të Samos. Ndërkohë që ekipet e emergjencës po vijojnë punën për shpëtimin e personave të cilët mund të gjenden ende me shenja jete nën rrënoja.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button