Lajme

Naftë kontrabandë nga Maqedonia, tre të arrestuar në Dibër

Tre persona janë arrestuar nga Policia e Dibrës, pasi kontrabandonin naftë nga Maqedonia e Veriut. Nafta merrej me makinë, më pas depozitohej në magazinën e një lokali në Dibër dhe shitej.

“Specialistët e Seksionit për Hetimin e Krimeve Ekonomike dhe Financiare të DVP Dibër, kanë ushtruar kontrolle intensive në ambiente të ndryshme dhe akse rrugore ku është konstatuar shtetasi F. G., duke drejtuar automjetin e tij, në të cilin është gjetur e fshehur një sasi nafte e dyshuar e kontrabanduar.

Nga hetimet e kryera ka  rezultuar se shtetasi  F. G., transportonte naftë me automjetin e tij dhe e depozitonte në magazinën e shtetasit A.B., dhe ky i fundit merrej me shitjen e saj.

Po në vijim të operacionit është ushtruar kontroll dhe në lokalin e shtetasit L. K., ku u gjet e fshehur një sasi nafte e dyshuar e kontrabanduar, me qëllim tregtimin e saj.

Në vijim të veprimeve për këtë rast, është arrestuar në flagrancë shtetasi A. B., 40 vjeç,  dhe janë proceduar penalisht shtetasit F. G., 57 vjeç dhe L. K., 40 vjeç, të tre banues në Peshkopi. Materialet i kaluan Prokurorisë pranë Gjykatës së Shkallës së Parë Dibër, për veprime të mëtejshme”, njofton Policia e Dibrës.

Artikuj të ngjashëm

Leave a Reply

Your email address will not be published.

Back to top button
Close