Lajme

Ndaluan punonjësen që shpërndante pensionet, nën hetim 5 anëtarët e grupit të mbrojtjes së votës së PD-së

Pesë persona janë vënë nën hetim nga policia pasi kanë ndaluar një punonjëse të postës së Maqellarës me pretendimin se ishte duke blerë vota. Burimet zyrtare bëjnë me dije se gjatë kontrollit të automjetit të shtetases të identifikuar me inicialet F.M nuk është gjetur asnjë send që lidhej me procesin zgjedhor.

Njoftimi i policisë: Nga specialistët për Hetimin e Krimit në Komisariatin e Policisë Dibër, filluan procedimin penal në gjendje S., Gj. M., L. H., B. D., A. O., banues në Dibër, (simpatizanë të një subjejti politik)

Këta shtetas në mënyrë të kundraligjshme, në fshatin Burim, kanë kryer veprime në kundërshtim me ligjin, duke ndaluar dhe kontrolluar një automjet , që udhëtonte shtetasja F. M, punonjëse në Postën e Maqellarës, (me detyrë pagatore shpërndares e pensioneve) në Njësinë Administrative Maqellarë, me pretendimin se kjo shtetase po shpërndante para në këmbim të votave.

Nga verifikimet e kryera dhe kontrolli i ushtruar i grupit hetimor dhe shërbimeve të Policisë në automjetin që udhëtonte shtetasja F. M., nuk u gjet asnjë send kompromentues në lidhje me procesin zgjedhor.
Materialet procedurale i kaluan Prokurorisë Dibër për veprën penale” Kundërshtim i punonjësit që kryen një detyrë shtetërore ose një shërbim publik.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: